Unang kita pa lamang ni Nathan sa malaking billboard ni Alexa sa Edsa ay nabighani na siya sa kagandahan ng babae. Pakiramdam niya ay ang babae na ang matagal na niyang hinahanap na soulmate. Sa hindi inaasahang pagkakataon ay nagkita sila ng dalaga nang muntikan na niyang mabangga ang sinasakyan nitong Ducati bike. At nang magkamalay na ito sa ospital na pinagdalhan niya ay nakaramdam siya ng pag-asa na may patutunguhan ang paghanga niya sa dalaga. Ngunit nagkamali siya sa inaakala sapagkat engaged na pala ito sa lalaking pinili ng ama nito. Aasa pa ba siya o tuluyan na niyang kakalimutan ang pag-ibig niya para kay Alexa?