Ye hea to kitab shayari ki aur kavitaon ki magar ye ek kataksh bhi hea hamari Bhasha Hindi ke istemaal ko lekar. Aaj Hindi ki itni durgati ho chuki hea ke Bharatwasi Hindi ke bal par naukarian nahin paa sakte, izzat nahin paa sakte yahi wajah hea ke Hindi ke akshar tak dheere dheera gayab ho rahe hain. Isme koi taajjub nahin hoga ke kuchh hi warshon mein Hindi ke akshar gayab ho jaaenge. Jab hamare Hindi filmon ke shirshak tak Hindi bhasha mein nahin likhe jaate. Hamare neta bhi vote to Hindi mein maangte hain par Lok Sabha aur Rajya Sabha mein bhi Hindi bolne se katraate hain. Ab to upar waale ke sahaare kuchh saanse ginti nazar aa rahi hea Hindi bhasha. Main ye kitab samarpit karta hun apni pyari bhasha Hindi ko