LIBRI: Gjate gjysmes se dyte te shekullit XX, individualiteti krijues i nje radhe kompozitoresh shqiptare, u formua, si duke u mbeshtetur mbi lenden melodiko-modale tradicionale, ashtu edhe duke mbajtur qendrim krijues ndaj saj. Ne kete qerthull, persa i takon permbajtjes, Cesk Zadeja ka, si tipar kryesor individual te muzikes se tij, epizmin krenar; Tish Daija-liriken entusiaste; Nikolla Zoraqi-liriken dramatike; Tonin Harapi-liriken e cilter, shpesh hymnizuese; Kozma Lara-liriken dramatike; Simon Gjoni-epiken dramatike; Pjeter Gaci-liriken gazmore; Feim Ibrahimi-epiken heroike; Limoz Dizdari-liriken e gjere pasionante; Shpetim Kushta-epiken hymnizuese; Kujtim Laro-epiken enderruese; Thoma Gaqi-epiken e thelle dramatike; Aleksander Peci-liriken hymnizuese, etj. Libri Muzika profesioniste shqiptare: Dukuri te shekullit XX synon qe te rrahe disa aspekte estetiko-sociale te muzikes profesioniste shqiptare te shekullit te kaluar. Duke u ndalur ne dukuri muzikore te caktuara--vepra muzikore, studime teorike, kompozitore, kritike, etj.--, synimi eshte qe te nxirren ne pah disa ceshtje estetiko-sociale te rendesishme, qe karakterizuan jeten e muzikes profesioniste shqiptare te shekullit XX. Nderkohe, shpresojme se keshtu do te mund te ndihmohet sadopak, si procesi i studimit teorik, ashtu edhe procesi i ecurise praktike, te muzikes profesioniste shqiptare, ne te ardhmen.